Биздин бул жолку каарманыбыз эки баласын жалгыз баккан 27 жаштагы ата. “Жубайымдын ичи катып, заңдай албай, дарыгерлерге кайрылдык. Ооруканада анын ичегисин кыскартышкан. Кийин дагы бир канча ирет операцияны башынан өткөрдү. 4 айдан соң бул дүйнө менен кош айтышып кете берди” дейт ал балдарынын апасы жөнүндө.
«Жубайым 15-январга караган түнү каза болду. Уулум «ата, апам эми келбейби?» деп сурай берет. Азыр 2 балам менен калдым. 2018-жылы баш кошуп, 2019-жылы тун уулум төрөлгөн. 2021-жылы кичүү уулум төрөлдү. Жубайым акыркы күндөрү ичи катып, кыйналып жүрдү. Дарыгерлерге кайрылдык, чөп дары ичип жүрдүк. Диета кармады. Дары 3-4 күн жардам берет. Андан кийин башка дары табабыз, кайра эле болбойт. Дарыгерлер диагноз коё албай жатышкан. «Операция кылыш керек. Андан кийин жакшы болобу же жокпу кепилдик бере албайбыз» дешти. УЗИге түшүп жатты. «Операция кылабыз, андан кийин төрөбөй калышың мүмкүн» деген. Жубайым болбой жаткан. «Кийинкисин кыз төрөп берем» дечү.
Андан кийин жеке клиниканы таап, заманбап жабдуулар бар экенин айтты. «Операция кылабыз, бирок сойбойбуз, жөн гана төрт жеринен тешип киребиз» дешти. Биз кесилгенче деп макул болдук. Бул 2024-жылдын сентябрь айы болчу. Операция болду. 3-4 күн жакшы жатты. 5 күндөн кийин үйгө чыгарды. 2 күн жатып, «ичим кысылып, дем ала албай жатам» деди. 2 күндөн кийин келесиңер деген, ошол күндү күттүк. Барсак эле операция кылабыз дешти. Макул дедик. Операция кылып, дарыгер келип, «эки ичеги уланган жерде тешик калып, газ ичине тарап кетиптир» деди. Жоон ичеги менен ичке ичегиден стома чыгарып койду. Каалаган тамак-жейт, бирок курсак тушунан чыгат. Бул ичегилер бүткүчө 6 айдай убакытка дешти. Андан кийин кайра бириккенде жабарын айтышты. 1 жумадан кийин дагы кыйнала баштады. Суу калыптыр дешти. Аны операция менен эмес, тешип эле алып коёбуз дешти. УЗИнин эле кабинетинде кыйкыртып эле сууну алып коюшту. 4 күндөн кийин апам чалды. Дарыгерлер чогулуп калыптыр. Алар операция дешти. Келинчегимдин жүзүндө кан жоктой, агарып калыптыр. 1 айда 3 жолу операция болду»,- деди ал.
Жардам берүүнү каалагандар үчүн реквизиттер:
ОПТИМА БАНК: 1091 8208 9519 0123 (сом, рубль, теңге, АКШ доллары, юань, евро)
МБанк: 0500 40 22 88
СБЕРБАНК: +7 980 3951721, 5228 6005 9319 8155 (Улукбек)
