Abank
SerepTV Logo

Ысык-Көлдө өлгөн ак куулардын ичинен балык уулоочу илмектер жана торлордун бөлүктөрү табылган

Ысык-Көлдө өлгөн ак куулардын ичинен балык уулоочу илмектер жана торлордун бөлүктөрү табылган

Социалдык тармактын колдонуучулары тарабынан «Ысык-Көлдө ак куулар өлүп жатат» деген видео тараган." target="_blank">https://serep.kg/kabarlar/koom/ysyk-koldo-ak-kuular-olyp-jatat-degen-video-tarap-jatat/">тараган. Видеонун автору жазында канаттууларга жем берүү үчүн атайын жем салгычтарды жасап койсо жакшы болмок деген. Бул боюнча Жаратылыш ресурстары министрлиги маалымат берип, алардын өлүмүнүн себебин аныктоо боюнча иликтөө иштери жүрүп жатканын билдирди.

"Окуя болгон жерге экологдор жана ветеринардык кызмат өкүлдөрү барып, өлгөн канаттуулардын ткандарынан лабораториялык изилдөөлөр үчүн үлгү алышты. Мындан тышкары, экологдор көлдүн жана анын айлана-чөйрөсүнүн абалын комплекстүү текшерип, браконьерлик фактыларын аныктоо максатында укук коргоо органдары менен тыгыз иш алып барууда. Кээ бир өлгөн ак кууларды сойгондо, алардын денесинен балык уулоочу илмектер жана торлордун сыныктары табылды. Бул алардын браконьерлердин курмандыгы болушу мүмкүн экенин көрсөтүп турат. Бирок адистер ак куулардын өлүмүнүн башка мүмкүн болгон себептерин да изилдеп жатышат",- деп айтылат маалыматта. Орнитолог Сейитказы Сагынбаев: «Ак куулар кыштоого Ысык-Көлгө октябрь айынын аягында – ноябрь айынын башында учуп келишет жана март-апрель айларына чейин калышат, анткени көл тоңбойт. Бул канаттуулардын көбү Сибирь менен Казакстандан келет. Ак куулар жапайы куштар болгондуктан, суу өсүмдүктөрүнүн тамырлары жана балырлары менен азыктанат. Алар азыктарын негизинен тайыз жерлерден табышат, ал эми терең жерлерден тамак табуу кыйын. Эгерде адамдар аларга өтө жакын келсе, коркуп, тереңирээк сууга кетип, ал жактан да азык таба албай калышат. Узун жол жүрүп келгенден кийин алсырап, ачкадан өлүп калуусу мүмкүн»,- деди.

Орнитолог ак кууларды тамак менен камсыздоо туура эмес экенин да белгиледи: «Биз аларга атайын тамак берип, шарт түзүп бере албайбыз. Аларга азык таштап берүү да туура эмес. Эң маанилүүсү – аларды коркутпоо керек, анткени адамдардан чочуп, тамак таба албай калышы мүмкүн».

width="560" height="314" frameborder="0" scrolling="no" allowfullscreen="allowfullscreen">
Эдита Ильясова

ОКШОШ КАБАРЛАР