2-август күнү саат 12:40 чамасында И.Т. аттуу жаран Ленин райондук ИИБге кайрылып, ал автобус башкарып жаткан учурда эки белгисиз аял транспорт каражатынын жүрүшүнө орой түрдө тоскоолдук кылышканын билдирген. Алар сөгүнүп, кийиминен жулмалап, көйнөгүнүн топчусун жулуп алышкан.
Бул факты Ленин райондук ИИБдин МЭЖге катталган. Жабырлануучу соттук-медициналык экспертизадан өтүүдөн баш тарткан. Бул окуя боюнча материалдар коомдук коопсуздук кызматтарына өткөрүп берилген. Текшерүү учурунда эки аял такталды. Алардын бири — 1965-жылы туулган К.С. аттуу жаран экендиги аныкталып, ага карата Укук Бузуулар жөнүндө кодексинин 126-беренеси (“Майда бейбаштык”) боюнча административдик протокол түзүлүп, материалдар сотко жөнөтүлдү.
Экинчи катышуучу — 1991-жылы туулган К.Т. аттуу жаран боюнча да тиешелүү чаралар көрүлөт. Азыркы учурда ал Бишкек шаарынан сыртта болгондуктан, зарыл болгон процессуалдык аракеттер анын кайтып келгенден кийин жүргүзүлөт.
Аялдамага баруу керек,ошол жерден токтойт,автобус.
Туура,майда бейбаштык кылды,жазасын алсын
Эреже баарына бирдей