«Elite House» курулуш компаниясынын башкы директору Тимур Файзиев Кыргызстанга кайтып келди. Бул тууралуу айрым маалымат булактары жазып чыгууда. Анын учурда Ысык-Көлдө экендиги, бир күн мурун «Royal Beach» пансионатында жүргөнү маалымдалууда. Тимур Файзиевдин Кыргызстанга качан кайтып келгени белгисиз. «Кактус» сайты жазганына караганда, курулуш компаниясынын башкы директорунун кылмыш иши кыскартылган.
27-майда «Elite House» курулуш компаниясынын башкы директору Тимур Файзиев борбор калаада жер тилкелерин алууда, ошондой эле мыйзамсыз курулуштарда коррупцияга катыштыгы бар деп шектелип, сыртынан камакка алынып, ага издөө жарыяланган.
