Ички иштер министрлигинин ыкчам кызматкерлери тарабынан жасалма акча тараткандарды кармоо боюнча атайын операция жүргүзүлдү. Бул тууралуу ИИМден билдиришти.
Буга чейин бир нече жаран криптовалюта сатып алганы жатат деген маалыматтар таратылып, бул мүмкүнчүлүктөн пайдаланып, алдамчылар жана жасалма акча менен төлөөгө аракет кылышат деген божомолдор болгон. ИИМдин Кылмыш иликтөө башкы башкармалыгынын кызматкерлери Бишкек шаарынын аймагында кылмышка шектүү катары чет өлкөлүк 2001-жылы туулган жаранды кармашты. Факты Кылмыш-жаза кодексинин 233-беренеси (акча жана баалуу кагаздарды жасалмалоо) менен кылмыш иши козголду.
Шек жаратып кармалган жарандан 362 900 доллар өлчөмүндө жасалма акча каражаты табылган. Аталган жаран шектүү катары кармалып, Бишкек ШИИББдин убактылуу кармоо жайына киргизилди.
