Казакстанстандын жарандары Кыргызстандын аймагына унааларды мыйзамсыз алып кирүүгө аракет кылып жаткан жеринен кармалышты. Бул тууралуу УКМКдан билдиришти.
УКМК тарабынан жүргүзүлгөн ыкчам-издөө иш-чараларынын жүрүшүндө, Кыргыз Республикасынын аймагына оң рулдуу унааларды мыйзамсыз алып кирүү каналы аныкталып, ага бөгөт коюлду.
«2021-жылдын 27-августунда «Чон-Капка-Унаажолу» өткөрүү пунктунан Кыргыз мамлекетинин номуру тагылган “Toyota Estima” үлгүсүндөгү унаалардын партиясын өлкөгө мыйзамсыз жол менен алып өтүүгө аракет кылып жатканда кармалган. Бул факт Кылмыш-жаза кодексинин 223-беренесинин 2-бөлүгүнүн 4-пунктунда каралган кылмыштын негизинде кылмыштардын жана жоруктардын бирдиктүү реестрине катталды»,- деп айтылат маалыматта.
Бул иштин алкагында кармалган Кыргыз жараны жана Казакстан Республикасынын жарандары Жазык-процессуалдык кодексинин 98-беренесине ылайык камака алынышты.
Азыркы учурда бул фактынын бардык жагдайларын изилдөө жана мүмкүн болгон шериктерин, ошондой эле «Унаа» мамлекеттик мекемесинин кызматкерлерин аныктоо боюнча ыкчам-издөө иш-чаралар улантылууда.