Юстиция министри кызмат ордуна Алмаз Айылчиев дайындалды (өмүр баяны)
Алмаз Асимович Айылчиев 1982-жылдын 1-ноябрында Бишкек шаарында туулган. Ал жогорку юридикалык билимге ээ болуп, 2004-жылы Кыргызстан-Россия Славян университетин «Юриспруденция» адистиги боюнча ийгиликтүү аяктаган. Мамлекеттик жарандык кызматтын 3-класстагы мамлекеттик кеңешчиси класстык ченине ээ.
Өзүнүн көп жылдык эмгек жолунда Алмаз Айылчиев мамлекеттик башкаруу тутумунда жана укуктук тармакта бир катар жооптуу кызматтарды аркалаган. Ал 2004-жылы Монополияга каршы саясат боюнча мамлекеттик департаментинде эмгек жолун баштап, кийинчерээк Жогорку Кеңеште консультант, ошондой эле президенттин Аппаратынын Жетекчисинин жардамчысы катары жемиштүү эмгектенген.
Ошондой эле ал президенттин Аппаратынын жана Администрациясынын укуктук жактан камсыз кылуу бөлүмдөрүндө эксперт, бөлүм башчысынын орун басары жана башкармалыктын начальнигинин орун басары – бөлүм башчысы сыяктуу жооптуу кызматтарды ийгиликтүү жетектеп, мыйзам чыгаруу жана ченемдик-укуктук базаны жакшыртуу багытында зор тажрыйба топтогон.
