Жогорку Кеңештин төрагасы Нурланбек Шакиев Аксы районундагы иш сапарынын алкагында Кара-Жыгач айыл аймагына караштуу Тор-Камыш айылындагы унаа жолду асфальттоо жумуштары менен таанышты. Нурланбек Шакиевди Министрлер кабинетинин төрагасы Акылбек Жапаров баштаган тиешелүү жетекчилер коштоп жүрөт.
Бир жарым чакырымдан ашык узундуктагы аталган жол буга чейин талапка жооп бербей, туурасы 3-3,5 метрди гана түзүп, унаалардын жүрүшүнө ыңгайсыздык жаратып келген. Натыйжада Транспорт жана коммуникациялар министрлигинин алдындагы Өндүрүштүк-инновациялык борбор тарабынан атайын долбоор иштелип чыгып, жолду кеңейтүү жана асфальттоо жумуштары башталган. Ага мамлекет тарабынан 12,5 миллион сом каралган.
Нурланбек Шакиев шаарларда гана эмес, айылдарда да жолдорду жаңылоо ишинин жүргүзүлүп жатышы жакшы саамалык экенин белгилеп, бирок сапатына өзгөчө көңүл буруу керектигин кошумчалады. Андан соң төрага Кара-Суу айыл аймагына караштуу Чат айылындагы жаңы фельдшердик-акушердик пункттун (ФАП) ачылышына катышты. ФАПтын курулушуна керектүү каражат Кувейт мамлекетинин Ас-Сафа кайрымдуулук фонду тарабынан бөлүнгөн.
Бүгүн, 22-июлда Министрлер кабинетинин төрагасынын орун басары Данияр Амангелдиев Министрлер кабинетине караштуу Мамлекеттик салык кызматынын жамаатына төрага Алмамбет Шыкмаматовду тааныштырды....
Бишкекте 21-июлда Кыргызстандын жана Монголиянын президенттери Садыр Жапаров менен Ухнаагийн Хурэлсухтун жолугушуусу өттү. Сүйлөшүүлөрдүн жыйынтыгында билим берүү, илим жана айыл...
Бүгүн, 21-июлда Бишкек шаарында Садыр Жапаровдун жана өлкөгө мамлекеттик сапары менен келген Монголиянын президенти Ухнаагийн Хурэлсухтун расмий жолугушуу аземи болуп...
Кечээ, 20-июлда Монголиянын президенти Ухнаагийн Хурэлсух Кыргызстанга мамлекеттик сапары менен келди. Бул тууралуу президенттик администрациядан билдиришти. "Манас" эл аралык аэропортунда...
Байышбек Астанакулов Талас облусунун Талас районунун акими болуп дайындалды. Бул тууралуу президенттик администрациядан билдиришти. Тескемеге өлкө башчы Садыр Жапаров кол...