2027-жылкы Азия кубогу жаңы мөөнөткө жылдырылды
Бүгүн, 3-ноябрь күнү Азия футбол конфедерациясы (АФК) Сауд Арабиясында өтө турган 2027-жылкы Азия Кубогун жаңы даталарга жылдыруу чечимин расмий жарыялады. Белгилесек, бул континенталдык мелдешке Кыргызстандын Улуттук курама командасы катышат.
Бул чечим АФК тарабынын Азия Кубогунун уюштуруу комитети (LOC) жана Сауд Арабиясынын футбол федерациясы (SAFF) менен кеңири талкууларды жана тыгыз консультацияларды жүргүзгөндөн кийин кабыл алынды. Алгач 2027-жылдын 7-январынан 5-февралына чейин өткөрүү пландалган турнир эми 2027-жылдын 23-декабрынан 2028-жылдын 21-январына чейин өтөт.
АФКнын Азия Кубогун уюштуруу комитети аймактагы учурдагы өзгөчө кырдаалга байланыштуу, анын ичинде олуттуу логистикалык кыйынчылыктар жана каттамдардын үзгүлтүккө учурашы сыяктуу жагдайларды эске алуу менен, улуттук курама командалар арасындагы башкы мелдештин мөөнөтүн өзгөртүү чечимин кабыл алды. Турнирдин жаңы мөөнөттөрү бекитүү үчүн ФИФАга сунушталат.
«Мелдешти алгач белгиленген мөөнөттө уюштуруу жана өткөрүү үчүн өзгөчө жагдайлар жаралгандыктан, турнирди жылдыруу бардык катышуучу командалардын, расмий өкүлдөрдүн, көрүүчүлөрдүн жана башка кызыкдар тараптардын кызыкчылыгын көздөгөн зарыл чечим болуп саналат», - деп АФК билдирди.
