Кыргыз Республикасынын кикбоксинг боюнча улуттук курама командасынын мүчөсү Аброр Хакимов Эр-Рияд шаарында (Сауд Аравия ) өтүп жаткан Бүткүл Дүйнөлүк оюндарда алтын медалга татыды.
Спортчу 71 килограммга чейинки салмакта катышкан. Алтын медаль үчүн беттеште франциялык мушкерди жеңип, 1-орунду ээлеген.
Бүткүл Дүйнөлүк оюндары 20-октябрь күнү башталган. Жалпы 15 спорттун түрүнөн мелдештер өтүп жатат. Кыргызстандын улуттук курама командасы карате, самбо, джиу-джитсу, грепллинг, казак күрөшү, “Алыш” белбоо күрөшү жана кикбоксинг боюнча катышты.
Мелдеш 30-октябрь күнү жыйынтыкталат.
