Кечээ, 30-октябрь күнү «Манас-2» аба майданында Пара Азия оюндарына катышкан спортчуларды тосуп алуу аземи өттү.
Ага Маданият, маалымат, спорт жана жаштар саясаты министри Алтынбек Максутов, Дене тарбия жана спорт департаментинин директору Айбек Абдымомунов жана спортчулардын жакындары катышышты.
Пара Азия оюндарында Кыргызстандын курама командасы 4 медаль (1 алтын, 2 күмүш, 1 коло) жеңди. Парадзюдо боюнча 48 килограммга чейинки салмакта Хайитхон Хусан кызы алтын медаль тагынса, пара жеңил атлетика боюнча Жалалидин Абдувалиев 2 күмүш медалга, Гүлназ Жүзбаева коло медалга ээ болду. Пара Азия оюндары 20-30-октябрь күндөрү өттү. Ага Кыргызстандан спорттун 7 түрүнөн (жеңил атлетика, пауэрлифтинг, теннис, сууда сүзүү, шахмат жана дзюдо) 27 спортчу катышты.
Ошол эле күнү Министрлер кабинетинин төрагасынын орун басары Эдиль Байсалов IV Азиянын пара оюндарына катышып жеңиш менен кайтып келген кыргызстандык спортчуларды куттуктады. Жеңүүчүлөргө акчалай сыйлыктардын сертификаттары тапшырылды. Биринчи орунга 1 миллион 250 миң сом, экинчи орунга 750 миң сом, үчүнчү орунга 500 миң сомдук акчалай сыйлыктардын сертификаттары каралган.
