Дарбазачы Валерий Кашуба карьерасын жыйынтыктады. Бул тууралуу Кыргыз футбол бирикмесинен билдиришти.
Дарбазачы Улуттук курамада 24 беттеш өткөргөн. Дебюту – 2004-жылдын 10-ноябрында Кувейт менен болгон беттеште 62-мүнөттө Жалиловдун ордуна чыккан. Эми Валерий Кашуба толугу менен «Дордой» футболдук клубундагы дарбазачыларга машыктыруучулук кылат.
“Дордойдун” курамында Валерий Кашуба:
Кыргыз Республикасынын алты жолку чемпиону;
Кыргызстандын Кубогунун төрт жолку жеңүүчүсү;
Кыргызстандын Суперкубогунун үч жолку жеңүүчүсү;
АФК президентинин кубогунун ээси;
Үч жолу Кыргызстандын эң мыкты дарбазачысы;
АФК президентинин Кубогу-2007’нин мыкты оюнчусу.
