Кечээ, 5-ноябрда Кант шаарында жаңыланган «Нитро арена» стадионунун ачылыш аземи орун алды. «Абдыш-Ата» клубунун үй аренасынын ачылышына КФБ президенти Камчыбек Ташиев катышты. Ачылыш аземден кийин эле аренада алгачкы беттеш – 1XBET Премьер-Лигасынын 2024 алкагындагы «Абдыш-Ата» менен «Дордойдун» жолугушуусу старт алды.
Комплекс тууралуу: Аренада жарык берүү системасы жаңыланып, отургучтардын саны 2000ге чейин көбөйтүлүп, трибуналардын астындагы жайларды оңдоо иштери жүргүзүлдү. Ошондой эле, үч жаңы кийим алмаштыруучу жай курулуп, операторлордун платформасы модернизацияланды. Комплекс алты талааны камтыйт: 4 табигый талаа, бир толук өлчөмдөгү жана бир машыгуу оюн талаасы. «Нитро-Арена» спорт комплекси эл аралык стандарттын талаптарына жооп берген, машыгууга жана беттештерди өткөрүүгө ылайыкташтырылган, заманбап спорттук объект болуп саналат.
Кыргыз футбол биримдиги курулушун каржылаган жаңы жарыктандыруу системасынын жардамы эми «Абдыш-Ата» клубунун үй аренасы оюндарды кечки маалда кабыл ала алат.
