Бүгүн, 18-декабрда Катарда өтүп жаткан футбол боюнча Дүйнө чемпиондуктун финалдык беттеши болуп өттү. Аргентина менен Франциянын курамасы беттешип, Аргентина Дүйнө чемпиону болду.
Оюндун 1-бөлүгүнүн 23-мүнөтүндө Аргентина пенальти тээп, эсеп санды Месси ачты. 36-мүнөттө Аргентина 2-голун жаратты. Биринчи тайм 2:0 эсебинде Аргентинанын алдыга чыгышы менен жыйынтыкталды.
2-таймда Франция пенальти тээп, эсеп сан 2:1 болду. Ал эми 81-мүнөттө Франция дагы бир гол киргизип, эсеп сандар теңелди. Оюндун негизги убактысы бүткөн соң, калыстар кошумча 8 мүнөт кошуп беришти. Бирок эсеп сандар өзгөргөн жок. Эки 15 мүнөттүк кошуп берилди.
Биринчи 15 мүнөттүктө эки команда тең эсеп санды өзгөртө алган жок. Ал эми экинчи 15 мүнөттүктө Месси гол жаратып, командасын алдыга сууруп чыкты. Франция пенальти тээп, эсеп сандар 3:3 болуп теңелди. Ошентип, 30 мүнөттүк да аяктап, пенальтилер сериясына кезек келди.
Пенальтилер сериясында Аргентина 4:2 менен алдыга чыгып, Дүйнө чемпиону болду.
