Казакстандын Атырау шаарынын тургуну үч жаштагы кызга каршы полицияга арыз жазды. Жаңжал оюнчук үчүн чыккан. Бул тууралуу «Тенгри» жазды.
Бул окуя тууралуу соцтармактагы Threads платформасында “шектүү” делген кыздын апасы айтып берди.
«Кафеде кызым оюнчук чаң соргучту алып ойноп жаткан. Андан улуу кыз аны тартып алууга аракет кылды, ошол кезде анын апасы кыйкырып келип, «кызыңарды адептүүлүккө үйрөткүлө» деп кирген. Ал эми балдар болсо он мүнөт өтпөй эле достошуп кетишти. Ошентсе да тиги аял полицияга арыз жазыптыр. Мындан тышкары, ал кызымдын беш жаштагы кызынын алдында ачык кечирим суроосун да талап кылды», – деп жазган “күнөөлүү” кыздын апасы.
Полиция чын эле арыз түшкөнүн тастыктаган. «Бул факт боюнча текшерүү жүргүзүлүп, баланын ата-энеси менен профилактикалык сүйлөшүү өткөрүлдү. Аларга үч жашка чыга элек балага карата арыз кабыл алынбай турганы түшүндүрүлдү. Ушуга байланыштуу жаран тарабынан жазылган арыз мыйзам талаптарына ылайык кароосуз калтырылды», – деп билдиришти полициядан.
