Дагестандын борбору Махачкалада май куюучу станцияда жарылуу болуп, 27 адам набыт болду. Каза болгондордун арасында үч бала бар. Бул тууралуу «Коммерсантъ» жазып чыкты.
Жарылууда 60тан ашык адам жаракат алган. Саламаттыкты сактоо министрлигинин өкүлү ооруканаларда 66 адам жатканын, алардын онунун абалы оор экенин билдирген. Жабыркагандардын арасында 13 бала бар.
Өрт кечээ, 14-августта кечке жуук чыгып, аны 260 адам өчүрүүдө. Өрттүн келип чыгышына май куюучу жайдын маңдайында жайгашкан контейнерлердин жарылуусу себеп болгон. Коопсуздук талаптарына жооп бербеген кызмат көрсөтүү боюнча кылмыш иши козголду.
