Ырчы Мирбек Иманбековдун атасы Иманбек уулу Алкан оорудан каза болду. Маалыматты ырчынын досу Акбар Сүйүнбаев СЕРЕП МЕДИА маалымат агенттигине билдирди.
«Аяш атабыз кечээ, 23-июнь күнү көз жумду. 73 жашка чыккан болчу, көп жыл ооруп жүрүп, акыры акка моюн сунду. Азыр жерге берип келе жатабыз», — дейт ырчынын досу.
2019-жылы Мирбек Иманбековдун апасы оорудан, андан көп өтпөй бир тууган агасы сууга чөгүп каза болгон.
СЕРЕП МЕДИА маалымат агенттиги Мирбек Иманбековго атасынын каза болгонуна байланыштуу терең кайгыруу менен көңүл айтат.
