“Рэкетир” тасмасынан белгилүү болгон казакстандык актёр Мурат Бисембин ооруканага түштү. Бул тууралуу анын кызы соцтармактагы баракчасына жазды.
Маалыматка караганда, ал инсульт алып, учурда дарыгерлердин көзөмөлүндө.
Буга чейин актёр Саят Исембаев Мурат Бисембиндин ооруп жатканын айтып чыккан. «Мурат уйку безинин рагы менен ооруп жатат. 2-стадияда дешти. Дарыгерлер 8 курс химиотерапиядан өтүшү керектигин айтышты. Төртү артта калды. Азыр чет өлкөдөн дарыланып, операция жасатуу жолдорун издеп жатабыз. Айыгып, көрүүчүлөрдү жаңы долбоорлору менен кубантат”, — деген актёрдун кызы Диана.
