«Абак ден соолук бербейт»,- деп билдирди экс-президент Алмазбек Атамбаев 1-декабрда ден соолугуна байланыштуу суроолорго жооп берип жатып.
«Бул менин түрмөдөгү төртүнчү декабрым. Бирөөнү Сокенин [Сооронбай Жээнбековдун], калган үчөөнү Сакенин [Садыр Жапаровдун] убагында өткөрдүм»,- деди ал.
Атамбаев 2019-жылдын 8-августунда Кой-Таш окуясынан кийин кармалган. 2020-жылдын октябрь окуясында ал бошотулган, бирок бир нече күндөн кийин кайра камакка алынган. Ошентип 3 жыл 3 ай 20 күндөн бери абакта отурат.