Мамлекеттик мүлктү башкаруу боюнча мамлекеттик агенттик 6 унааны сатуу боюнча электрондук аукцион жарыялады. Билдирүүдө унаалар Министрлер кабинетине таандык экени айтылат. Бирок алар мурда криминалдык төбөлгө таандык болгон.
«Бул унаалар Камчыбек Асанбектин (Камчы Көлбаев) үй-бүлөсүнө мүлктү мамлекеттин пайдасына бекер берүү келишиминин негизинде өткөрүп берилген», — деп билдиришти.
Сунуштаган баштапкы баа:
2021-жылкы BMW Alpina XB7 — 18 миллион сом;
2019-жылкы Hyundai Genesis — 2,8 миллион сом;
2019-жылы Kia Rio X-Line — 1,15 миллион сом;
2017-жылкы Mercedes-Benz S600 — 25,5 миллион сом;
2013-жылкы Mercedes-Benz G500 — 5,4 миллион сом;
2005-жылкы Toyota Land Cruiser Prado — 1,25 миллион сом.
