Бишкек шаарынын аймагында 22 айдоочу кармалды. Бул тууралуу Милициянын кайгуул кызматынан маалымдашты.
Бишкек шаарынын ички иштер башкы башкармалыгы боюнча милициянын кайгуул кызматкерлери тарабынан 7-8 февраль күндөрү борборубуздун аймагында атайын “Рулда” атындагы рейд өткөрүлүп, 22 мас абалында унаа башкарган айдоочулар кармалды. Андан сырткары 34 айдоочу тийиштүү документи жок айдаганы үчүн жана 15 айдоочу мыйзамсыз автоунаалардын алдыңкы терезелерин караңгылатып алганы үчүн чара көрүлдү. Айып короого жалпысын 307 автоунаа киргизилди. Кармалган айдоочулардын унаалары айып короого токтотулуп, өздөрүнө карата тийиштүү чаралар көрүлүп жатат.
