Жалал-Абадда Сузактын тургунан өгөй кызы менен интимдик мамиледе болгон делген жасалма сүрөт/видеолорду таркатам деп коркутуп, 184 миң сом талап кылган блогер кармалды. Бул тууралуу УКМКдан билдиришти.
Маалыматка ылайык, Instagram’да 200 000 катталуучусу бар популярдуу Р.к.Ч. аттуу блогер күч колдонуу жана коркутуу жолу менен жабырлануучунун өгөй кызын жылаңач сүрөткө жана видеого тартууга мажбурлаган. Андан соң даярдалган фото/видео материалдарды колдонуп, өгөй кызы менен интимдик мамиледе деп шантаж кылып И.Т.Д.дан 184 миң сом акча талап кылган.
Шектүү 13-февралда кармалды. Учурда кармалган жарандын кылмыш ишинин бардык эпизоддорун аныктоого багытталган тергөө иштери жүрүп жатат. Тергөө иштери жүрүп жатат.
«Мындан улам, Р.к.Ч.нын иш-аракетинен жабыр тарткан адамдарды УКМКнын Жалал-Абад облусу боюнча башкы башкармалыгына же 0995 012 210, 03722 5-60-49 телефондоруна кайрылууңуздарды өтүнөбүз», — деп жазылат билдирүүдө.
