Кылмыш-жаза кодексинин 288-беренесинин (Баңгизат каражаттарын камтыган өсүмдүктөрдү себүү жана өстүрүү) негизинде кылмыш иши козголуп, ал кылмыш ишинин алкагында 13-июнда Бишкек шаарында Кыргыз жаранынын жеке үйүндө тинтүү иштери жүргүзүлгөн, натыйжада үйдүн короосунан ири өлчөмдө өстүрүлгөн кара куурай бадалдары табылган. Бул тууралуу УКМКдан маалымдашты.
Табылган жерди текшерүүдө өсүмдүктөр жасалма түрдө өстүрүлүп жатканы жана кылдаттык менен кам көрүлгөнү байкалды. Өстүрүлгөн кара куурай бадалдары белгиленген тартипте алынып, контролдук таразага ылайык, баңгизаты бар өсүмдүктөрдүн жалпы салмагы 130 килограмм болду.
Учурда бардык жагдайларды тактоо боюнча кошумча ыкчам-иликтөө иш-чаралары жүргүзүлүүдө.
