Дүйнө чемпиону Дмитрий Бивол бокс боюнча улуттук курама команданын машыктыруучусу Данияр Төлөгөн уулуна акчалай белек тапшырды. Видео социалдык тармактарга тарады.
«Данияр Олимпиада оюндарында тарых жаратты. Мен көптөн бери тааныйм, жашоосун бокско арнады. Биз Олимпиада оюндары болуп жатканда байланышып, кеңеш сурап жатты. Жыйынтык көрсөтүштү. Спортчу атасына караганда машыктыруучусу менен көп убакыт өткөрөт. Данияр Олимпиада оюндарынан кийин көмүскөдө калып калды. Мен жана менин командамдын атынан кичинекей белегим бар эле», — деген ал конвертке салынган акчалай белек берди.
