«Барселона» жаштар командасы Кыргызстан U-20 командасынын беттеши 4:0 менен жергиликтүүлөрдүн жеңиши менен аяктады. Бүгүн, 27-январда Кыргызстандын U-20 жаштар курамасы «Барселона» футбол клубунун жаштар курамы менен беттешти.
Беттеш «Барселона» академиянын оюн тааласында орун алып, биздин кураманын Азия Кубогуна болгон даярдыгынын алкагында өттү.
Беттеш тууралуу Кыргызстандын футбол боюнча жаштар курама командасынын башкы машыктыруучусу Сергей Пучков: «Бул жакшы жолдоштук беттеш болду. Балдар өздөрүнүн даярдыгын да көрүштү, бул жердеги машыккан балдардын деңгээлин да көрүштү. Биз кыска аралыкта эки кадам алга басып, жакшы аракеттерди кылдык. Жигиттер кантип ийгиликке жетүү керектигин, эмнеден же кайсы жерден туура эмес жасап алган аракеттерин билишти», — деди.
