Кыргыз Республикасынын U-23 курама Олимпиадалык курамасы 2026-жылкы Азия Кубогунун тандоо турунда ийгиликтүү башталыш жасап, Палестина курама командасын 2:1 эсебинде жеңген. Ал эми экинчи беттешинде Өзбекстан менен ойноп, беттеш 2:2 эсебинде тең чыгуу менен аяктады.
Эртең, 9-сентябрь Олимпиадалык кураманын чечүүчү беттеши – Кыргызстан — Шри-Ланка оюну өтөт. Беттеш саат 20:00дө Бишкек шаарындагы Дөлөн Өмүрзаков атындагы стадиондо өтөт. Ошондой эле беттеш алдында күйөрмандар үчүн чоң шоу-программа даярдалган. Көңүл ачуучу программа саат 18:00дө башталат.
Белгилей кетсек, финалдык этапка 16 мыкты команда чыгат: турнирдин кожоюну Сауд Аравия автоматтык түрдө катышат, ошондой эле ар бир тайпанын жеңүүчүлөрү — 11 команда жана эң мыкты көрсөткүчкө ээ болгон экинчи орундагы төрт комада финалдык баскычка жолдомо алышат.
Азия Кубогунун финалдык этабы 2026-жылдын январь айында Сауд Арабиясында өтөт.
