Президент Садыр Жапаров бир катар кыргызстандыктар мамлекеттик сыйлыктар менен сыйланган жарлыктарга кол койду. Бул тууралуу президенттик администрациядан билдиришти.
Дене тарбияны жана спортту өнүктүрүүгө кошкон зор салымы, көрүнүктүү спорттук жетишкендиктери, ошондой эле республиканын квалификациялуу спортчуларын даярдагандыгы үчүн Бокс боюнча улуттук курама командасынын башкы машыктыруучусу Данияр Төлөгөн уулу «Даңк» ордени менен сыйланды.
Ошондой эле Олимпиадалык резервдеги адистештирилген балдар-өспүрүмдөр спорт мектебинин грек-рим күрөшү боюнча машыктыруучусу Хаким Махмудов «Даңк» медалы менен сыйланды.
