Парижде өтүп жаткан Олимпиада оюндарында коло медаль үчүн күрөштө Жоламан Шаршенбековдун атаандашы аныкталды.
Кыргызстандык грек-рим күрөшү боюнча мелдешке 60 килограммга чейинки салмак ченинде катышууда.
1/8 финалда казакстандын балбаны Айдос Султангали менен күч сынашып, аны 6:3 эсебинде жеңип алган.
Чейрек финалдык беттеште румыниялык балбан Разван Арнаут менен беттешип, аны мөөнөтүнөн эрте жеңип, жарым финалга чыккан. Жарым финалда Япониянын балбаны Кеничиро Фумита менен күч сынашып, 4:3 эсеп саны менен Жоламан Шаршенбеков жеңилип калган.
Бүгүн, 6-августта Шаршенбеков коло медаль үчүн күрөшөт. Анын атаандашы ирандык Мехди Мохсеннежад болмокчу. Финалдык беттеш Бишкек убактысы боюнча 22:15те башталат.
