Келдибек Бакиров Ш. Сыдыков атындагы Республикалык спорттук колледжинин директору болуп дайындалды.

Ал Кыргыз мамлекеттик дене тарбия жана спорт академиясынын машыктыруучулук факультетин «Машыктыруучу-окутуучу» адистиги боюнча аяктаган (2013–2017-жж.). Эмгек жолун 2017-жылы Ысык-Көл облусунун балдар-өспүрүмдөр спорттук мектебинде грек-рим күрөшү боюнча машыктыруучу болуп баштап, аталган кызматта 2020-жылга чейин эмгектенген.

• 2020–2022-жж. — Спорттун улуттук түрлөрү боюнча дирекциясында методист;
• 2022–2023-жж. — «Тайманбас» адистештирилген балдар-өспүрүмдөрдүн олимпиадалык резервдеги спорт мектебинин директорунун орун басары;
• 2023–2024-жж. — Спорттун олимпиадалык оюн түрлөрү жана спорттук-массалык иш-чараларды өткөрүү боюнча «Жаштык» дирекциясында методист;
• 2024–2025-жж. — Спорттун улуттук түрлөрү боюнча дирекциясында директордун орун басары;
• 2025–2026-жж. — «Спорттук курулмалар жана спорттук камсыздоо башкармалыгы» мамлекеттик мекемесинин директорунун орун басары;
• 2026-жылдын март айынан ушул күнгө чейин — Спорттун олимпиадалык оюн түрлөрү жана спорттук-массалык иш-чараларды өткөрүү боюнча «Жаштык» дирекциясында директор кызматын аркалап келген.