Кыргыз Республикасынын эркин күрөшү боюнча өспүрүмдөр (U-17) курама командасынын мүчөсү Курсантбек Исаков Амман шаарында(Иордания) өтүп жаткан Дүйнө чемпионатынын алтын медалына ээ болду. Балбан 55 килограммга чейинки салмак категориясында катыштыууда. Алтын медаль үчүн беттеште Кубанын балбаны Иосиф Иван Бахманнды 4:2 эсебинде жеңип, өз салмагында Дүйнө чемпиону болду.
Кыргыз Республикасынын эркин күрөшү боюнча өспүрүмдөр (U-17) курама командасынын дагы бир мүчөсү Рустамжан Кахаров Амман шаарында(Иордания) өтүп жаткан Дүйнө чемпионатынын алтын медалына ээ болду. Балбан 65 килограммга чейинки салмак категориясында катышты. Алтын медаль үчүн беттеште Орусиянын балбаны Рамазан Абдулкадыровду 7:6 эсебинде утуп, өз салмагында Дүйнө чемпиону болду.
Кыргыз Республикасынын эркин күрөшү боюнча өспүрүмдөр (U-17) курама командасы мүчөсү Өмүрбек Асан уулу да Амман шаарында(Иордания) өтүп жаткан Дүйнө чемпионатынын алтын медалына ээ болду.
Балбан 60 килограммга чейинки салмак категориясында катышты. Алтын медаль үчүн беттеште Азербайжандын балбаны
Хусейн Исмаиловду 5:1 эсебинде жеңип, өз салмагында Дүйнө чемпиону болду.
Кыргыз Республикасынын эркин күрөш боюнча жаш өспүрүмдөр (U-17) курама командасы Иорданиянын борбору Амман шаарында өткөн Дүйнө чемпионатында жалпы командалык эсеп боюнча 3-орунду ээлешти. Эркин күрөш боюнча мелдештер 23-25-август күндөрү болуп өтүп, анда 10 медаль топтому ойнотулду. Ата мекендик курама команда 104 упай менен жалпы командалык эсепте 3-орунду ээледи.