Кыргызстандык гимнасттар эл аралык турнирде байгелүү орундарга ээ болушту. Бул тууралуу Спорт департаментинен билдиришти.
5-6-октябрь күндөрү Сербиянын Белград шаарында өткөн эстетикалык топтук гимнастика боюнча жогорку категориядагы турнирде Кыргызстандын гимнасттары байгелүү орундарга ээ болушту. Турнирге 16 өлкөдөн 600 гимнаст катышкан. Кыргызстандын атынан мелдешке Амалия Сейтбекова, Айым Токушова, Амира Мадали, Алтынай Чонбашева, Таисия Пономарева жана Алия Сыдыкбаева катышты. Алар эстетикалык топтук гимнастика боюнча күмүш медалды жеңип алышты. Ошондой эле Айым Токушова топ менен аткарган көнүгүүсүндө алтын медалга ээ болсо, сегиз жаштагы Арууке Абдырасакова буюмсуз көнүгүүдө коло медалды жеңип алды. Ал эми Таисия Пономарева жана Алия Сыдыкбаева «Мисс Шарм» жана «Мисс жылмаюу» наамдарына татыктуу болушту.
Гимнасттар Гимнастика академиясы жана «Ынтымак» спорт мектебинин жана клубдарынын атынан чыгып, Кыргызстандын желегин желбиретишти.
Посмотреть эту публикацию в Instagram
