27-февралда Албаниянын Тирана шаарында өтүп жаткан спорттук күрөш боюнча MUHAMET MALO-2026 аттуу эл аралык рейтингдик мелдеште кыргызстандык балбан Мээрим Жуманазарова күмүш медалдын ээси болду. Бул тууралуу Дене тарбия жана спорт агенттигинен маалымдашты.
Мээрим 68 кг чейинки салмак чен бирдигинде күч сынашып, мелдешти 1/8 финал баскычынан баштады. Жуманазарова алгачкы беттештеринде АКШнын өкүлдөрү Дестин Рене (11:0) жана Солин Николь Пирсини (10:0) ири эсеп менен мөөнөтүнөн мурда жеңип, жарым финалга жолдомо алды. Финалга чыгуу үчүн болгон беттеште Түркиянын балбаны Нерсин Бас менен кез келип, 8:4 эсебинде үстөмдүк кылды. Чечүүчү финалдык беттеште Болгариянын спортсмени Юлиана Яневаны 0:2 эсебинде жеңилип калды.
