Норвегия курама командасы дүйнө чемпионатынын 1/8 финалында Бразилияны 2:1 эсебинде жеңип, тарыхында биринчи жолу мундиалдын чейрек финалына өттү.

Биринчи тайм голсуз аяктады. 14-мүнөттө бразилиялыктар алдыга чыгууга мүмкүнчүлүк алышкан, бирок Бруно Гимарайнс пенальтини ишке ашыра алган жок. Экинчи таймда беттештин каарманы Эрлинг Холанд болуп, ал 79 жана 90-мүнөттөрдө гол киргизип, норвегиялыктарга тарыхый жеңиш тартуулады.

Бразилиянын жалгыз голун 90+10-мүнөттө пенальтиден Неймар киргизди, бирок бул командасын жеңилүүдөн сактап кала алган жок.

Чейрек финалда Норвегия Англия — Мексика жубунун жеңүүчүсү менен ойнойт. Беш жолку дүйнө чемпиону болгон Бразилия үчүн турнир жыйынтыкталды.