Бүгүн, 6-август күнү Парижде өтүп жаткан Олимп оюндарында өлкө намысын коргоп 4 спортчу беттеш өткөрүшөт.
Акжол Махмудов менен Үзүр Жусупбеков грек-рим күрөшү боюнча килемге чыгышат. Алдын ала раунддук беттештер Бишкек убактысы боюнча саат 15:00дө башталса, жарым финалдык беттештер 22:15те өтөт.
Андан кийин дароо финалдык мелдештер старт алат. Биринчилерден болуп Жоламан Шаршенбеков чыгат. Ал грек-рим күрөшү боюнча 60 килограмм чейинки салмак чен бирдигинде коло байге үчүн күрөшөт.
Күндүн программасы кыз-келиндер арасында күрөш боюнча 68 килограммга чейинки салмакта алтын медаль үчүн беттеш менен жабылат. Мээрим Жуманазарова америкалык Эмит Элор менен күч сынашат.
