66 килограммга чейинки салмак ченинде Олимпиада чемпиону болгон алжирлик мушкер Иман Хелиф интернеттеги бейбаштык үчүн Париж прокуратурасына арыз менен кайрылган. Бул тууралуу Arab News жазды.
«Иликтөө бул расисттик жана сексисттик кампаниянын артында ким турганын аныктайт. Хелифге болгон каралоо Олимп оюндардагы эң чоң кара так болот», — деди спортчунун адвокаты Набил Буди.
Финалдык беттеште Хелиф кытайлык Ян Лю менен беттешти. Калыстардын бир добуштан чечими менен жеңиш Алжирдин өкүлүнө ыйгарылды.
- Буга чейин кыз-келиндер арасындагы бокс боюнча мелдештин чейрек финалында италиялык Анжела Карини алжирлик трансгендер делген спортчу Иман Хелиф менен 46 секунд гана беттешкен. Карини денеси ооруп жатканын айтып, беттешти токтоткон. Хелиф 2023-жылкы Дүйнө чемпиондугунун финалында тестостерондун жогорулашынан улам дисквалификацияланган, бирок Олимпиада оюндарына катышууга уруксат берилген.
- Иман Хелифтин атасы Амар Хелиф спортчунун кыз киши экенин далилдеш үчүн анын туулгандыгы тууралуу күбөлүгүн жана бала кездеги сүрөттөрүн көрсөткөн.
