Италияда футбол күйөрмандары «Лацио» жана «Реал Сосьедад» клубдарынын беттеши алдында Римдин көчөлөрүндө тополоң чыгарышты. Анда 9 адам бычактан жаракат алып, экөөнүн абалы оор экенин жергиликтүү ЖМКлар жазышты.
Кечээ, 23-январда Европа лигасында Италиялык «Лацио» менен Испаниянын «Реал Сосьедад» клубдарынын ортосундагы жалпы этаптын жетинчи турунун беттеши болду.
«Реал Сосьедаддын» үч күйөрманы бычактан жаракат алып, ооруканага жеткирилген. Алардын өмүрүнө коркунуч жок. Бейрасмий маалыматтар боюнча, испан клубунун 9 күйөрманы жаракат алды. Полиция «Лационун» бир нече күйөрмандарын кармоого үлгүрдү, бирок көбү качып кетишкен. Кармалгандардан ар кандай буюмдар табылды – бычак, чынжыр, балка жана башка»,- деп айтылат маалыматта.
Беттеште 3:1 эсебинде «Лацио» жеңишке жетишти.
