Израиль АКШ президентинин атайын өкүлү Стив Уиткоффтун биринчи этабы 2-мартта аяктаган ХАМАС менен элдешүүнү улантуу сунушун жактырды. Бул тууралуу Times of Israel Биньямин Нетаньяхуга шилтеме берип жазды.
«Израиль АКШ президентинин атайын өкүлү Стив Уиткоффтун Орозо жана Пасха мезгилдерине ок атышууну убактылуу токтотуу планын кабыл алды», — деп айтылат канцеляриянын билдирүүсүндө.
1-марттын кечинде Израил менен ХАМАСТЫН ортосундагы ок атышууну токтотуу келишиминин биринчи этабы аяктады. Биньямин Нетаньяхунун билдирүүсүнө ылайык, эгер мындан аркы сүйлөшүүлөр натыйжасыз болсо, ЦАХАЛ согушту уланта алат.
