Англияда медайым кесиптешин эртең мененки чайга кошпогону үчүн сотко берген. Соттун чечиминен кийин аялга 41 миң фунт стерлинг же 4,5 миллион сом компенсация берилди.
Окуя Лондондун түштүгүндөгү Хелиер ооруканасынын мурдагы медайымы Сюзан Хэмилтон диетолог Абдул Найекти «бейбаштык» үчүн айыптаганда болгон. Эки кесиптештин ортосундагы тирешүү 2018-жылдын декабрында келип чыккан. Сотко берген көрсөтмөсүндө Хэмилтон Найек жолугушууларда аны тоготпой, чай даярдап жатканда ага чай сунуштабаганын айткан.
Соттун судьясы Кэтрин Рамсден оорукананын администрациясы көп жылдар бою Найектин жүрүм-турумуна жетиштүү чара көрбөгөнүн айтып, бул Хэмилтон ден соолугуна байланыштуу көйгөйлөргө алып келгенин баса белгиледи.
