«Алтын кандуу адам» катары белгилүү болгон Жеймс Харрисон 88 жашында көз жумду. Ал эки миллиондон ашык баланы сактап калганы, 1173 жолу кан тапшырганы менен белгилүү.
Жеймс Харрисон 1936-жылы туулган. Ал 18 жашынан бери кан тапшырып келет. Акыркы жолу 2018-жылы кан тапшырган. Жеймс Харрисон 14 жашында ооруканага түшүп, көкүрөгүнө операция жасалган. Ага дээрлик 13 литр кан куюлган. Анын аман калышына донордук кан жардам берген. Ал үч ай ооруканада жатып, акыры чыккандан кийин кан тапшырып турууну чечкен. 18 жашка толор замат кан тапшыра баштаган. Көп өтпөй Жеймс Харрисон ооруканага сүйлөшүү үчүн чакырылган. Анын канында өзгөчө күчтүү жана туруктуу антитело бар экени белгилүү болгон. Бул антитело энесинен резус-фактору бөлөк болгон балдардын аман калышында маанилүү роль ойнойт.
Ал 2011-жылы 1000-жолу кан берип, Гиннесстин рекорддор китебине киргизилген. Жеймс Харрисондун канына негизделген сыворотка эки миллиондон ашуун адамдын, анын ичинде өз кызынын да өмүрүн сактап калууга жардам берген.
