АКШ менен Украинанын президенттери Дональд Трамп менен Владимир Зеленский 28-февралда Ак үйдө жолугушту.
Лидерлер Ак үйдө журналисттердин суроолоруна жооп берип, Украинанын минералдык ресурстарына байланыштуу эки өлкөнүн ортосунда кол коюлат деп күтүлүп жаткан келишим тууралуу сөз кылышты.
«Медуза» жазгандай, жолугушууда Зеленский Орусиянын президенти Владимир Путинди “террорист” деп атап, Трампка «эч кандай компромисс болбошу керектигин» айтты. Зеленский Трампка орус туткунунан кайтып келгенден кийинки украин аскерлеринин сүрөттөрүн көрсөттү. Буга жооп кылып Трамп тараптар тынчтык келишимин түзүшсө, согуш токтой турганын билдирди. Ал ошондой эле Вашингтон орус-украин согушун токтотуу үчүн «келишимдин параметрлерин иштеп чыга баштаганын» айтты.
45 мүнөткө созулган жолугушуунун аягында Зеленский, Трамп жана АКШнын вице-президенти Вэнс кайым айтыша кетишти. Жолугушуунун видеосуна караганда, Вэнс Зеленскийди Украинанын президентин АКШны жана Трампты сыйлабай жатат деп айыптады.
Зеленский каршы чыгууга аракет кылганда Трамп: «Силер жакшы абалда эмессиңер. Азыр силерде көзүр жок. Миллиондогон адамдардын өмүрү менен ойноп жатасыз. Сиз үчүнчү дүйнөлүк согуш менен ойноп жатасыз”, — деди. Талаш учурунда Трамп Украина орус-украин согушун жөнгө салууга макул болушу керек деп айткан.
Бул жолугушуудан көп өтпөй Зеленский Ак үйдөн чыгып кеткенин эл аралык маалымат каражаттары жазышууда. Аны улай Трамп: «Ал тынчтыкка даяр болгон учурда кайтып келе алат», — деп билдирген.
