"Жөргөмүш-адам: Жаңы күн" фильми биринчи дем алыш күндөрүндө АКШ жана Канадада 355 миллион доллар, ал эми чет өлкөлөрдө дагы 572 миллион доллар (анын ичинде Кытайда 121 миллион доллар) киреше топтоду. Бул Голливуд тарыхындагы экинчи эң ийгиликтүү старт болуп калды.

Жөргөмүш-адам — Marvel ааламындагы комикстердин эң популярдуу каармандарынын бири. Reuters белгилегендей, дүйнөлүк көрүүчүлөр аны дагы эле жакшы көрүшөт, бирок суперкаарман фильмдеринин жанрынан бир аз чарчоонун белгилери да байкалууда.

"Жөргөмүш-адам: Жаңы күн" — бул ролдо Том Холланддын 2016-жылдан берки төртүнчү жолу чыгышы. Сюжеттин негизинде башкы каармандын жалгыздык тууралуу ойлору жана башка адамдар менен жакын болууга болгон умтулуусу жатат. Фильм сынчылар тарабынан да жылуу кабыл алынды.