«Бүгүн президент Садыр Жапаровдун жетекчилиги алдында өткөн жалпы республикалык кеңешмеде социалдык-экономикалык абал боюнча жасаган кеңири баяндамамда белгиленген бир маанилүү фактыны бул жерде дагы бөлүшүүнү туура көрүп турам.
Кымбатчылык азыркы учурда — бул глобалдык көйгөй. Дүйнө жүзү боюнча азык түлүк, күйүчүү май жана башка товарлар эбегейсиз кымбаттады. Бул пандемия учурунда башталып, азыркыга чейин токтобой келет. Геосаясий тоскоолдуктар, жакынкы жана алыскы чоң жана орто экономикалыра тарифтик жана башка чектөөлөрдүн киргизилиши да баалардын өсүшүнө таасирин тийгизди.
Биздин экономикага бул кризиске жакшы эле туруштук берип келе жатат, мисалы: ошол эле улуттук валютабыз беш жыл мурун канча сом болсо, азыр деле ушундай. Бирок экономикабыз чакан болгондуктан кыргыз өкмөтү глобалдык процесстерди башкарып, контролго алууга мүмкүлүгүбүз чектелүү болгонун эстен чыгарбашыбыз керек. Баалар дүйнө жүзүндө өсүп жаткан шартта, кайсы гана өкмөт болбосун, бул көрүнүш Кыргызстанга да таасир этмек.
Эми элестетип көрөлү. Мисалы, өлкө мурунку эле темп менен эле калганда, 2025-жылы орточо эмгек айлык акы 44,5 миң сом эмес, 23 миң эле сом болмок. Орточо пенсия да 7384 сомдон ашмак эмес, көпчүлүк пенсионерлер мурдагыдай эле 3–4 миң сомдун чегинде алышмак. Азыр болсо 8000 сомдон аз алган пенсионер жок, орточо пенсиянын көлөмү 11 238 сомго жетти», — деп жазды ал.
Министрлер кабинетинин төрагасынын орун басарынын жазганына караганда, эгер мурдагы темп сакталган бойдон калганда, глобалдык кымбатчылык кризисинин шартында калкыбыз олуттуу кыйынчылыктарга туш болуп, жакырчылык деңгээли кыйла жогоруламак экенин унутпашыбыз керек.
«Кымбатчылык маселеси бар жана бул багытта элдик өкмөт күнү-түнү иш алып барууда. Жергиликтүү өндүрүштөрдү ачуу, жаңы жумуш орундарын түзүү, экспорттук потенциалды жогорулатуу, ошондой эле социалдык колдоону күчөтүү боюнча кошумча чаралар көрүлүүдө.
Буюрса, Кыргызстан туруктуу өнүгүү жолуна түштү. Азыркы темпти сактап калуу – башкы милдет. Баары жакшы болот деген үмүтүңүздөрдү жоготпоону чакырам. Эң негизи элибиздин ынтымагы, бийлик менен элдин ортосундагы ишеним. Башкасынын баарын багынта алабыз!» — деп жазды ал.
