Казакстандын Мангистау облусунун Мунайлы районунун Баскудук айылында 2-мартта үйдө жети адам, анын ичинде беш бала газга ууланып каза болгон.
Каза болгондордун Казакстанда убактылуу жашаган Өзбек жарандары экени маалым болгон. Аталган окуя боюнча кылмыш иши козголуп, тергөө уланып жатат.
Коңшуларынын айтымында, кырсыктын келип чыгышына үйдөгү мор себеп болушу мүмкүн, анын кесепетинен көмүр кычкыл газы чыкпай, үйгө чогула баштаган. Ал эми жакындарынын айтымында, балдардын бири коркунучту сезип, ата-энесин ойготууга аракет кылган. «Ал эшикти ача албай же терезеден чыга албай калса керек. Анткени ал терезе пардага чырмалышкан абалда табылган», — деп айтылат маалыматта.
