Токмокто кыз ала качууга шектүү кармалды. Бул тууралуу Чүй ОИИБден билдиришти.
Маалыматка караганда, Токмок ШИИБге 2004-жылы туулган кыз кайрылып, 29-мартта аны күч менен үйүндө кармап, коркутуу жолу менен турмушка чыгууга мажбурлаган жаранга чара көрүүнү суранган. Аталган факты боюнча кылмыш иши козголгон.
Шектүү катары 2001-жылы туулган жаран кармалып, убактылуу кармоочу жайга киргизилген. Тергөөнүн жүрүшүндө төмөнкүлөр аныкталган. Экөө буга чейин кыз-жигит болуп сүйлөшүп жүрүшкөн. 29-мартта саат 01:00 чамасында жигит алдоо жолу менен унаасына отургузуп, уурдап кетип, эл жок жерге алып барып, колу-бутун скотч менен байлап, турмушка чыгууга мажбурлаган. Өз үйүнө алып барып, кыздын колун батареяга байлаган бойдон уктап калган.
Бул учурдан пайдаланып, кыз качып чыгып, милицияга кайрылган. Жерине милиция кызматкерлери барганда шектүү бир милиционерди сүзүп, унаага отуруп качып кеткен. 24 жаштагы жигит кармалып, “Адамды никеге турууга мажбурлоо” беренеси боюнча иш козголду.
Посмотреть эту публикацию в Instagram
