Түркияда өтүп жаткан Ислам шериктештин оюндары соңуна чыгууда. Кыргызстандын курама командасы күчтүү он команданын катарына кирди.
Биздин спортчулар 26 медалга ээ болушту — 8 алтын, 8 күмүш жана 10 коло. Ошондой эле Кыргыз курама командасынын эсебинде оор атлетика боюнча 5 кичи коло жана салттуу жаа атуу боюнча бир алтын медаль бар.
Жыйынтыгында Кыргызстан медалдык эсепте тогузунчу орунда болду. Ислам тилектештик оюндары бешинчи жолу өтүп жатат. 2021-жылы коронавирустун пандемиясынан улам 2022-жылдын августуна жылдырылган.
