Америка кошмо штаттары коронавируска каршы элге эмдөө жургүзүүнү баштайт.
Бул тууралуу учурдагы АКШ президенти Дональд Трамп өзүнүн твиттердеги аккаунтунда видеокайрылуу аркылуу жарыялады.
«Биринчи эмдөө 24 саатка жетпей жасалат»,- дейт Трамп мырза. Маалыматтар боюнча америкалык «Pfizer» компаниясы «BioNTech» немис компаниясы менен билгеликте иштеп чыккан коронавируска каршы вакцина АКШнын Тамак-аш жана медикаменттердин сапаты боюнча башкармалыгы тарабынан колдоо таап, каттоого алынды.
Президент Трамп бул ишти «медициналык керемет» атады. «АКШ 9 айдын ичинде коронавируска каршы залалсыз жана эффективдүү вакцина иштеп чыга алды. Бул тарыхтагы улуу илимий жетишкендиктердин бири»,- дейт ал.
