Бүгүн, 28-февралда көктө жети планета — Сатурн, Меркурий, Нептун, Венера, Уран, Юпитер жана Марс каз катар тизилген уникалдуу окуя күтүлүүдө. Жети планетанын бир убакта пайда болушу улуу, толук же тегиздөө деп аталат. Анткени ушунча планетанын жакындашуусу сейрек кездешет.
Планеталардын парады дүйнө жүзү боюнча көрүнөт. Аларды көрүүгө эң жакшы убакыт Бишкек убактысы менен 21:30дан 00:30га чейинки мезгил болот. Адамдар көзү менен төрт гана планетаны көрө алат. Алар: Венера, Марс, Меркурий жана Юпитер. Уран менен Нептунду байкоо үчүн жакшы дүрбү же телескоп талап кылынат. Ал эми Сатурнду көрүү үчүн так убактысын билүү керек болот. Себеби планета 28-февралда күнгө абдан жакын болот.
Планеталардын бир сызыкка тизилиши 100-200 жылда бир жолу болчу окуя. Ал эми кийинкиси 2161-жылы гана күтүлөт деп болжолдонууда.
