Кыргызстандын жаштар арасындагы (U-20) грек-рим күрөшү боюнча курама командасынын мүчөсү Асан Жанышов Испанияда өтүп жаткан Дүйнө чемпиондугунда алтын медалга ээ болду.
20 жашка чейинки спортчулардын арасындагы мелдештер 2-сентябрь күнү Понтеведра шаарында башталган. Асан Жанышов 87 килограммга чейинки салмак чен бирдигинде 1/8 финалдык баскычтан баштап, катары менен Грузия, Швеция жана Румыния өлкөсүнөн келген спортчуларды жеңип финалга чыккан. Чечүүчү финалдык беттеште азербайжандык Жожу Самадов аттуу балбанды 8:0 ири эсебинде мөөнөтүнөн мурда утуп, Дүйнө чемпиону аталды. Жанышов 2023-жылы Иорданияда өткөн Дүйнө чемпионатында коло байгеге татыган.
